Papalula Brass

 

Papalula Brass ass de Brass-Quintett vun der Mierscher Musek. Si spillen op Séance académiquen grad esou wéi bei Hochzäiten, Ouverturen oder soss offiziellen Uläss. Hire Répertoire geet vu klassescher Musek iwwer Kierchemusek bis hin zu moderne Stécker.

Wann Dir si engagéieren wëllt, da schéckt einfach ee Mail op papalula@mierscher-musek.com.

Papalula Brass setzt sech aus folgende Membere vun der Mierscher Musek zesummen : 

 

Trompett :         HAMELIUS Théo

                        NIMAX Henri

  

Trombonn :       NICKELS Laurent

  

Cor :                 NICKELS Luc

  

Bass :               SCHAEFERS Marc

  

Perkussioun :     NARLOCH Piotr

 

 

Wéi am Joer 2004 d'Mierscher Kulturhaus fäerdeg ginn ass an ëmmer méi Demanden fir Feierlechkeeten musikalesch ze ënnermolen un d'Musek gestallt goufen, huet sech viru gutt 10 Joer aus de Reie vun de Musikanten een Ensembel forméiert. Et war ufanks ee Blechbléiserquartett bestoend aus 2 Trompetten an 2 Trombonnen. Am Mëttelpunkt stoung natierlech d'Musizéieren, mä awer och d'Erausfuerderung fir an enger klenger Grupp virun engem grousse kritesche Publikum kënnen opzetrieden.

 

Des ëfteren gouf d'Quartett op hiren offiziellen Numm ugeschwat a sou gouf am Joer 2007, ulässlech enger Aweiung, entscheed fir d'Ufanksbuchstawe vun deene 4 Musikanten ze gebrauchen. Säitdeem, och wann an Zwëschenzäit d'Besetzung bëssche gewiesselt huet, heescht de Blechbléiserensemble PaPaLuLa Brass, bestoend aus de Virnimm Patrick, Paul, Luc a Laurent.

 

Fir den Ufroen op eng breedgefächert musikalesch Offer gerecht ze ginn, spillt den Ensemble säit 2009 an der klassescher Quintett Besetzung : 2 Trompetten, Cor, Trombonn a Bass. Je no Optrëtt gëtt d'Quintett och nach vun engem Percussionnist begleet.