Wëllkomm bei der Mierscher Musek
D'Mierscher Musek
stellt sech vir
An der Mierscher Musek gëtt säit 168 Joer Musek gespillt a geliewt. Niewt de ville Prouwen a sëllege Sortien, spillt, d'Zesummeliewen a -schaffen awer och eng grouss Roll. D’Musek zielt all Joers erëm nei Gesiichter a senge Reien a besteet se aktuell aus 93 aktive Memberen (dovunner 52 Musikantinnen) am Alter vun 12 bis 80 Joer.
Iwwer d’Joer gesinn, huet d’Mierscher Musek eng Abberzuel Aktivitéiten. Am Joer 2022 waren et der 68, dovunner ënnert anerem 44 Prouwen, 13 Hämmelsmärsch (mat den Aussestatiounen) an 8 Concerten. Eis Harmonie hëlt och bei de kommunalen a reliéisen Evenementer Deel. Et waren dëst 3 Sortien.
Säit dem 1. September 2017 hu mir och ee Jugendensembel ënnert der Leedung vum Ben Brosius. Den Ensembel besteet aus 28 Musikantinnen a Musikanten (8 dovunner aus der Musek an 20 aus der Museksschoul). Am Joer 2022 haten si 43 Prouwen an 3 Optrëtter.
Säit 2005 organiséiere mir och ee Jugendstage, bei deem souwuel eis nei Musikanten sou wéi och déi aus dem Jugendensembel Deel huelen. Hei hu si d’Méiglechkeet am Grupp ze spillen, hiert Kënnen ënner Beweis ze stellen a sech och géigesäiteg nach besser kenne ze léieren. Als Ofschloss vun dësem Stage spille si all Joer een usprochsvolle Concert.