Säit dem 1. September 2017 hu mir och ee Jugendensembel ënnert der Leedung vum Ben Brosius. Den Ensembel besteet aus 25 Musikantinnen a Musikanten (9 dovunner aus der Musek an 16 aus der Museksschoul). Am Joer 2023 hate si 36 Prouwen a 4 Optrëtter.

​

Säit 2005 organiséiere mir och ee Jugendstage, bei deem souwuel eis nei Musikanten sou wéi och déi aus dem Jugendensembel Deel huelen. Hei hu si d’Méiglechkeet am Grupp ze spillen, hiert Kënnen ënner Beweis ze stellen a sech och géigesäiteg nach besser kennen ze léieren. Als Ofschloss vun dësem Stage spille si all Joer een usprochsvolle Concert.